Investigadores del Institutu d"Investigación del Sida IrsiCaixa y l"Institutu de Ciencies Fotóniques (ICFO) grabaron la primer vez imaxes en vivo de cómo"l VIH crea un "caballu de Troya" pa infectar rápido un organismu.
Les imaxes inédites permiten visualizar la primer vez en movimientu cómo"l virus del sida penetra dientro d"unes célules del sistema inmunitariu conocíes como dentrítiques, y una vez dientro torna nun "caballu de Troia" que facilita que la rápida infección.
Conocer esta vía d"entrada ye esencial pal desarrollu de nueves estratexes terapéutiques pa combatir el VIH, y ye que los VIH que se van averando a la célula dentrítica ubíquense toos nun mesmu llugar sobre la superficie esterior de la membrana pa ganar fuerza y penetrala.
De siguío, obsérvase cómo la célula interioriza los VIH y ubícalos toos dientro de la mesma visícula, nel marcu de les imaxes pa les que s"utilizaron técniques innovadores de biofotónica.
Les célules dentríticas xueguen un papel clave na activación de la respuesta inmunitaria, dao que la so función consiste en patrullar nel organismu y capturar los axentes infecciosos invasores.
En condiciones normales, una vez que les dentrítiques capturen patóxenos como"l VIH les célules maurecen y son capaces de degradalos y presentalos ante la so principal diana: los glóbulos blancos llamaos linfocitos T CD 4, que xeneren anticuerpos específicos.
Sicasí, el nuevu descubrimientu aporta pistes sobre cómo"l VIH pue entrar nes cléulas dentríticas sin que lu degraden y llogra espander la infección, escapando de la ruta habitual de degradación de patóxenos.
L"estudiu muestra que los "caballos de Troya" puen formase con virus procedentes de célules infectaes por VIH productores de virus que tresmiten los virus enteros hacia célules dentrítiques.
Conocer a fondu esti mecanismu ye un primer pasu pa poder desarrollar estratexes terapéutiques capaces de bloquialu y combatir poro la infección.
vídeo:
vídeo:
vídeo:
vídeo:
