La muerte de la diva estaounidense supunxo un duru revés pa los executivos de Sony Music, que s"alcuentren preparando una xira mundial publicada con muncha antelación. Sicasí, de cara al futuru tienen que plantegase una nueva meta: comercializar una discografía compuesta por nueve discos d"estudiu, bandes sonores y recopilatorios.
Executivos de Sony Music van reunise esta mesma selmana en Nueva York pa determinar la estratexa de comercialización, desvelaron a Reuters dos persones familiarizaes colos planes de la discográfica.
Los executivos tamién van debatir una nueva campaña de marketing pa la próxima película "Sparkle", una cinta de baxu presupuestu protagonizada por Whitney Houston que va llanzase n"agostu, asina como pa la banda sonora qu"acompaña a la producción, na qu"apaecen dos cantares de la fallecida artista.
La muerte de Whitney Houston ye la segunda en trés años d"un artista de primer nivel de Sony Music. Nel 2009, tres la muerte de Michael Jackson, la compañía con sede en Nueva York comercializó agresivamente los sos álbumes, vendiendo más de 8,2 millones n"Estaos Uníos y más de 35 millones en tol mundu, según Billboard.
Los executivos de Sony van esperar previsiblemente a que se conozan los resultaos de l"autopsia antes de volver sacar álbumes antiguos o a promocionar abiertamente a la finada cantante, según una de les persones conocedores de les conversaciones. Tamién se ta considerando un conciertu d"homenaxe con otros artistes de Sony y con algunos colos que Houston trabayó nel pasáu.
"La muerte de Michael Jackson foi la nube perfecta pa Sony porque taba preparándose pa una xira mundial que yá taba recibiendo muncha publicidá", dixo Lance Grode, ex responsable de negocios internacionales de MCA Records, agora Universal Music.
"Nun quies paecer más ansiosu de la cuenta, pero tamién quies aprovechar l"atención que la estrella ta recibiendo nesi momentu", añadió.
Nel 2010, Sony llanzó una versión remasterizada con motivu del 25 aniversariu del álbum debú de la diva "Whitney Houston", de 1985, y la compañía va promover previsiblemente la comercialización d"esi discu, dixo una de les persones con conocimientu de los planes de Sony.
L"álbum de Navidá de Houston, "One Wish: The Holiday Album", nesti momentu a la venta n"Amazon.com por 7,53 dólares, volverá salir casi seguro esta seronda, afirma la mesma fonte. El domingu, los aficionaos yá llevaren "Whitney Houston - The Greatest Hits" al primer puestu de les llistes d"Amazon y la so "I Will Always Love You" foi lo más descargao n"iTunes.
vídeo:
vídeo:
vídeo:
vídeo:
