La Comisión Permanente del Conseyu Xeneral del Poder Xudicial (CGPJ) acordó güei la espulsión formal de Baltasar Garzón de la carrera xudicial en cumplimientu de la sentencia del Tribunal Supremu que condena al xuez suspendíu de l"Audiencia Nacional a pena d"inhabilitación por autorizar la intervención de les conversaciones que caltuvieron en prisión los cabezaleros de la trama "Gürtel" colos sos abogaos.
La decisión, que va ratificase nel Plenu del próximu día 23, señala que se procede al "cumplimientu" de la decisión del altu tribunal y, nos sos mesmos términos, impón a Garzón once años d"inhabilitación especial pal cargu de xuez o maxistráu, con perda definitiva del cargu qu"ostenta y de los honores que-y son anexos, "asina como cola incapacidá pa llograr mientres el tiempu de la condena cualquier empléu o cargu con funciones xurisdiccionales o de gobiernu dientro del Poder Xudicial, o con funciones xurisdiccionales fuera del mesmu".
D"esta manera, Garzón dexa de ser dende esti llunes el titular del Xulgáu Central d"Instrucción númberu 5. Coles mesmes, la Comisión Permanente ordenó l"anotación d"esti acuerdu "al espediente personal del espresáu maxistráu pa constancia y efectos" y la notificación del acuerdu a l"Audiencia Nacional "pa debida constancia nel llibru de ceses y posesiones".
De resultes d"esta decisión, l"órganu de gobiernu de los xueces dexa sin efectu les suspensiones provisionales que yá pesaben sobre Garzón y que s"acordaren dempués de que Garzón acabara procesáu tanto poles escuches de "Gürtel" como por investigar los crimes del franquismu sin tener competencia pa ello.
Sobre esta segunda causa tovía ta pendiente la sentencia, que podría conocese nos próximos díes, según fontes del altu tribunal.
L"acuerdu tamién va notificase al propiu Garzón, al Supremu, al Ministeriu de Xusticia y a la Mutualidá Xeneral Xudicial.
REALMISIÓN A LOS 67 AÑOS
Cuando trescurran los once años d"inhabilitación, Baltasar Garzón, que va tener entós 67 años, va poder volver solicitar al Conseyu la so realmisión na carrera xudicial, a la que va volver cola antigüedá qu"axuntó hasta esti momentu sin que-y computen nel escalafón el tiempu mientres el que permaneció inhabilitáu.
Anque esta condena supón la perda definitiva del cargu qu"ostenta, Garzón pue exercer l"abogacía o siguir participando en foros internacionales. Mientres esti tiempu, collaboró col Tribunal Penal Internacional con sede en La Haya, cola Organización d"Estaos Americanos (OEA) y el Comité contra la Tortura del Conseyu d"Europa.
CONSECUENCIES PA RUZ
Per otra parte, el xuez Pablo Ruz, qu"ocupa provisionalmente el Xulgáu Central d"Instrucción númberu 5, va permanecer de momentu nel so puestu hasta que la plaza salga a concursu nel Boletín Oficial del Estáu (BOE). La plaza va quedar vacante nel momentu que s"execute la espulsión de la carrera del titular de la mesma, que sigue siendo Garzón.
La Comisión Permanente del Conseyu acordó por unanimidá designar a Ruz como sustitutu de Garzón en xunu del 2010, un mes dempués de suspender provisionalmente a ésti últimu de les sos funciones.
vídeo:
vídeo:
vídeo:
vídeo:
