El titular del Xulgáu Mercantil 10 de Barcelona declaró esti miércoles el concursu voluntariu de Spanair, presentáu pola aerollinia"l llunes, y descartó tramitar el concursu necesariu que presentaron distintos acreedores, según informó"l TSXC.
El xuez resolvió que"l concursu voluntariu presentóse antes que"l necesariu, y que la declaración de concursu necesariu enzancaría un acuerdu rápidu d"estinción de contratos, tal como yá se solicitó al xulgáu, cola consecuente desprotección de los trabayadores de la compañía.
Tamién acordó nomar a un alministrador concursal, a la espera de que nos próximos díes puea solicitar al xulgáu qu"asigne un segundu pola complexidá del procedimientu, qu"afecta a más de 2.500 emplegaos implicaos nun espediente de regulación d"empléu (ERE) que se presentó nel mesmu xulgáu, y más de 3.000 acreedores.
vídeo:
vídeo:
vídeo:
vídeo:
