El presidente de l"Asamblea Popular de Corea"l Norte, Kim Yong Nam, proclamó líder supremu del Partíu de los Trabayadores, de les Fuerces Armaes y del Estáu a Kim Jong Un, fíu del fináu líder norcoreano, Kim Jong Il, según informa l"axencia de noticies Yonhap.
Al términu de la ceremonia de duelu que se celebró esti xueves na plaza Kim Il Sun de Pyongyang, nel segundu día del funeral d"Estáu por Kim Jong Il, Kim Yong Nam, que dende"l pasáu 17 d"avientu exerció"l lideralgu interín del país, proclamó oficialmente a Kim Jong Un como socesor del so padre.
Kim Yong Nam esplicó a los cientos de miles de norcoreanos que se rexuntaron na céntrica plaza capitalina que Kim Jong Un personifica"l lideralgu, la personalidá, la ideoloxía y les cualidaes, especialmente"l valor, del so padre.
Asina, encamentó a la población "acoyer con gran estima a Kim Jong Un como líder supremu" pa "superar les actuales dificultaes" y "construyir una próspera nación socialista". "Pronto vamos convertir la pena en mil veces más fuerza y valor", recalcó.
Nesti contestu, los representantes políticos y militares de Corea"l Norte qu"asistieron a la ceremonia de duelu xuraron llealtá a Kim Jong Un. En concreto, Kim Jong Gak, un altu mandu militar, prometió que los soldaos "van protexer al camarada Kim Jong Un coles sos vides".
L"apoyu de les Fuerces Armaes, de les que Kim Jong Il valióse pa consolidar el réxime norcoreanu, ye fundamental p"asitiar el lideralgu de Kim Jong Un, hasta agora amenazáu pola rocea de la transición política nel país.
Nel 2008, dempués de sufrir un infartu, Kim Jong Il, empezó a promocionar a Kim Jong Un como"l so socesor, penriba de los sos dos hermanos mayores. Esti movimientu evidencióse l"añu pasáu, cuando lu nomó xeneral de cuatro estrelles y vicepresidente de la Comisión Central Militar del Partíu de los Trabayadores
vídeo:
vídeo:
vídeo:
vídeo:
