El ministru principal de Gibraltar, Fabian Picardo, da por "muertu y enterráu" el denomináu Procesu de Bruxeles, marcu de diálogu billateral ente España y Reinu Uníu pa tratar la disputa sobre la soberanía del Peñón y qu"en realidá lleva conxeláu dende"l 2002.
Un día dempués de la entrevista ente"l presidente del Gobiernu español, Mariano Rajoy, y el so colega británicu, David Cameron, na que constataron les sos diferencies alredor del contenciosu y nun se"algamara nenguna meyora, Picardo espresó la so "satisfacción" pola defensa" pública que"l "premier" fizo de Gibraltar y el so pueblu.
Ye"l pueblu xibraltareñu "el que tien que determinar el so futuru", dixo Cameron ante Rajoy na rueda prensa posterior al so alcuentru, na que tamién repitió que Londres nun va entamar nengún tipu de diálogu con España sobre"l Peñón col que los xibraltareños nun tean d"acuerdu.
Cola llegada de los "populares" a La Moncloa, España pidió a Londres volver a entamar les conversaciones sobre soberanía y certificó"l fin de les xuntes tripartites del Foru de Diálogu ente España, Reinu Uníu y Gibraltar que"l Gobiernu de Rajoy propunxo ampliar con una cuarta delegación qu"integre a representantes del Campu de Gibraltar. N"ambos casos, la respuesta del Gobiernu británicu foi negativa.
Nun comunicáu, Picardo saluda la "postura robusta" adoptada por Cameron y el so ministru d"Esteriores, William Hague, ante la insistencia intransixente de la "reclamación anacrónica" d"España sobre la soberanía del Peñón y el so pidimientu de "resucitar el muertu y soterráu" Procesu de Bruxeles.
Gibraltar, asegura Picardo, ta "arguyosu" de la manera na que Cameron describió ante les autoridaes españoles cuála ye la posición británica nel contenciosu.
vídeo:
vídeo:
vídeo:
vídeo:
