El ministru de Defensa, Pedro Morenés, aseguró que "de primeres" nun se plantega una reducción de personal nes Fuerces Armaes pa retayar gastos, anque reconoció que, por cuenta de la situación económica, tán revisándose "toles árees" del Ministeriu de Defensa.
Nuna entrevista a Onda Cero recoyida por Europa Press, el ministru esplicó que va a tratar de "allixerase" el Departamentu que dirixe y va facese "algún axuste" anque "sin tocar la esencia de la Defensa", esto ye, la estructura "a partir de la que yá la seguridá pue vese comprometida".
Preguntáu por si estos axustes van suponer una reducción nel númberu de militares, Morenés indicó que "de primeres" ésti "nun ye"l sitiu nel que van trabayar", pese a qu"añadió qu"evidentemente tán "revisándose" toles árees de Defensa.
Morenés sorrayó qu"España tien "defensa abondo" pero calcó en que cuenta col "nivel más baxu d"inversión en Defensa", en relación colos sos socios na UE y na OTAN.
Nesti sen, recordó amás que la inversión en Defensa xenera recursos y "los puestos de trabayu más cualificaos qu"existen". "Nun ye cañones y manteca, ye que realmente too ta mui vinculáu", valoró.
No referente a la misión que desarrollen los militares españoles n"Afganistán, Morenés volvió esplicar que se trata de "una misión de paz nun escenariu de guerra" y defendió la participación española: "esto engrandez a un país. La capacidá de dar respuestes a los requerimientos de la sociedá tanto interna como internacional pa un escenariu de paz. La paz tien un preciu, nun ye gratis", completó.
ESPAÑA GANA CONFIANZA INTERNACIONAL COLA DEFENSA
No que se refier a esto, consideró que"l compromisu nel país asiáticu tien que tar vinculáu cola ONU y la OTAN y aseguró qu"España va cumplir colos sos requerimientos. "España nuna situación como la que tamos viviendo de dificultaes económiques, de miraes dende l"esterior con cierta rocea, nesta situación de rocea xeneral, España ta ganando una posición y calteniendo una posición importante gracies a los sos compromisos internacionales en seguridá y defensa", opinó.
En cuanto al acuerdu con Estaos Uníos pa qu"España s"incorpore al escudu antimisiles cola base de Rota (Cádiz), el ministru recordó que"l partíu qu"agora gobierna tuvo "d"acuerdu", anque agora hai que dir "clarificando dellos matices" al "negociar les árees collaterales".
"Esto ye importante enforma pa tener una credibilidá esterior, ye bueno qu"España tenga voluntá y compromisu col restu del mundu n"asuntos de seguridá y defensa. España tien que tar ente los países qu"asumen la so responsabilidá", remachó.
vídeo:
vídeo:
vídeo:
vídeo:
