El rector de la Universidá d"Uviéu, Vicente Gotor, xustificó esti martes la negativa de la Universidá a que la Selmana Negra de Xixón celebre actos que nun seyan culturales. Gotor esplicó que nunca tuvieron dispuestos a acoyer en terrenos de la Universidá esi tipu d"actos "que toos sabemos qu"hai", y añadió que tien "mieu" a qu"a determinaes hores de la madrugada "puea haber algún desperfectu".
Gotor fizo estes manifestaciones, a preguntes de los periodistes, antes de participar nes deliberaciones del xuráu del Premiu Príncipe d"Asturies d"Investigación Científica y Técnica 2011.
La Universidá d"Uviéu llevó a los tribunales la ubicación de la Selmana Negra na parcela anexa al Campus de Viesques y, como midíes cautelares, solicitó a la Xusticia que nun se puean celebrar nesos terrenos eventos del ferial que nun seyan puramente culturales.
Preguntáu sobre si un cambiu de Gobiernu en Xixón podría facilitar algún tipu d"entendimientu, Gotor dixo que la postura de la Universidá va siguir siendo "la mesma".
vídeo:
vídeo:
vídeo:
vídeo:
