L'ex dirixente d'ETA Joseba Urrosolo Sistiaga, ún de los voceros del Colectivu de presos comprometíu col irreversible procesu de paz' -grupu de reclusos disidentes d'ETA-, ta convencíu de que la banda tien qu'anunciar yá'l so fin definitivu y de que, "más pronto que tarde, tendrá que reconocer el dañu causáu coles sos acciones". Nuna entrevista concedida a Radio Euskadi, recoyida por Europa Press, Urrusolo cree que l'actual situación ye "irreversible" porque son "conscientes del golpe que supunxo na izquierda abertzale y ente los presos la rotura del anterior procesu de Loiola".
"Llegóse a una situación na qu'ETA, sin l'apoyu social que tuvo hasta agora, nun pue siguir. Tanto en Sortu como en Bildu el posicionamientu poles víes polítiques y democrátiques ye claru. El distanciamientu y desmarque sobre l'usu de la violencia ye contundente y irreversible y non sólo por razones d'efectividá", recalcó.
En tou casu, sorrayó que, "si algunos decidieren siguir, yá nun sería ETA la que siguiría, sinón algo mui marxinal y sin nengún apoyu social". Amás, consideró qu'ETA viose obligada a aceptar los posicionamientos d'aquéllos a los qu'obligó a llevantase de la mesa de Loiola dempués del atentáu na T-4.
Al so xuiciu, "los resultaos llograes por Bildu son un apoyu definitivu a l'apuesta política por víes puramente democrátiques frente al sector minoritariu tovía roceanu al cambiu de ciclu". N'alusión a ETA, preguntó "de qué val prollongar l'agonía d'algo que sobra y estorba".
Por ello, dixo que la banda tendría qu'anunciar el fin de la so actividá armada y centrase nel so "final ordenáu como organización". Amás, indicó que "sería un error" que Bildu "dexara'l tema de los presos y exiliaos en manes esclusives d'ETA, de los mesmos de los qu'ellos se tuvieron que desmarcar pa facer política". "Mientres llega l'esperáu 'día D', pue dise dando pasos qu'ayuden a dir escamplando y humanizando esti tema", manifestó.
Sobre la solicitú pa que s'incluya al so colectivu nel Acuerdu de Gernika, consideró que "l'apoyu de los presos a esi acuerdu ye necesariu y fundamental", polo qu'espera qu'esta incorporación "nun se retrase más".
En sorrayando que, hasta agora, en nengún de los anteriores procesos se consultó a los presos, y menos tovía se-yos pidió la implicación o l'apoyu a dichu procesu, apuntó que "ye bien importante que, esta vez, se dea un apoyu seriu de los presos, faciendo suyu l'Alcuerdu de Gernika". "Esto diba valir, de la mesma, pa ganar credibilidá nesa parte de la sociedá que duda de la irreversibilidá del procesu", señaló.
Joseba Urrusolo Sistiaga señaló que "esto valdría, de la mesma, pa ganar credibilidá nesa parte de la sociedá que duda de la irreversibilidá del procesu".
Coles mesmes, precisó que l'EPPK (Colectivu de Presos d'ETA) trató de descalificalos "con tola mala intención del mundu" a partir de la so postura en contra de la violencia. "Pero ye un sector minoritariu alredor del aparatu que tien baxu control al colectivu de presos y que, per mediu de mentires y presiones, trataron siempre de cortar y evitar cualquier debate qu'escapara al so control", añadió.
Urrusolo Sistiaga afirmó que va ser "difícil llegar a un relatu compartíu sobre'l papel d'ETA", pero "lo importante va ser llegar a compartir un relatu de lo que nun tuvo qu'asoceder". "En tou casu, esi analís críticu de la historia d'ETA tendría que dir acompañáu d'una reflexón autocrítica per parte de la mesma ETA, y como fizo l'IRA, d'un reconocimientu del dolor causáu poles sos acciones", añadió.
Anque reconoció que "ye difícil falar de reconciliación cuando tovía nun se zarró'l ciclu de la llucha armada", apuntó que se deben dar pasos "nesi sentíu, de manera unillateral y en esperar a que lo faigan o digan los demás, sin esperar a lo que faiga ETA, sin esperar a qu'escenifique'l so final", dixo.
HISTORIA DE DOLOR
L'ex dirixente d'ETA apuntó que "la nuesa historia reciente y non tan recién esta trescalada de dolor y sufrimientu". "Al marxe de responsabilidaes en términos xudiciales, en tola izquierda abertzale, y non sólo los militantes d'ETA condenaos, tenemos la responsabilidá de poner en cuestión que se realizaren barbaridaes tales", afirmó.
Nesta llinia, señaló que nun se pue siguir denunciando "les barbaridaes que se ficieron con Lasa y Zabala, sin reconocer que lo que se fizo con Miguel Ángel Blanco tamién lo foi".
Sobre'l fechu de que, la cuarta vez, estrozárase'l monolitu n'alcordanza del socialista Juan María Jáuregui, consideró que se trata de "un ensañamientu, falta d'humanidá y respetu pa con una familia que yá sufrió'l golpe de la violencia y que tien derechu a recordar al so home, padre o hermanu, como ellos consideren afayadizu".
vídeo:
vídeo:
vídeo:
vídeo:
